Britania e Madhe dëshiron t’i shfrytëzojë shtëpitë e rusëve të sanksionuar për qëllime humanitare.
Ministri i Kabinetit të Mbretërisë së Bashkuar, Michael Gove, tha sot se Britania dëshiron të shikojë mundësinë e përdorimit të shtëpive dhe pronave të individëve rusë të sanksionuar për qëllime humanitare dhe të tjera.
Kur u pyet në një intervistë me BBC nëse shtëpitë e oligarkëve të sanksionuar mund të përdoren për të strehuar refugjatët ukrainas, Gove tha: “Ka një pengesë ligjore mjaft të lartë për të kaluar dhe ne nuk po flasim për konfiskim të përhershëm“.
Ai tutje komenton çështjen duke thënë: “Ju jeni duke mbështetur Putinin. Kjo shtëpi është këtu, ju nuk keni të drejtë ta përdorni apo të përfitoni prej saj dhe më shumë se kaq, ndërkohë që nuk po e përdorni apo nuk përfitoni prej saj, nëse ne mund ta përdorim për të ndihmuar të tjerët, le ta bëjmë këtë”.
“Sipas mendimit tim, është rasti që nëse pasuria dhe ndikimi juaj po përdoren për të mbështetur ose ofruar ngushëllim për Putinin duke pasur parasysh atë që ai po bën, atëherë kam frikë se ju duhet të mbani pasojat“, tha Gove.
“Procesi i sanksioneve përfshin ne që të kalojmë përmes një analize rigoroze se kush duhet t’i nënshtrohet sanksioneve“, vazhdoi ai.
“Ne kemi lëvizur sa më shpejt që të jetë e mundur, por mua më duket se nëse mund t’i përdorim ato asete për aq kohë sa dikush sanksionohet në mënyrën e duhur, atëherë duhet ta bëjmë“, përfundoi Gove.
Britania ka sanksionuar 800 nga “individët, subjektet dhe filialet më të rëndësishme dhe me vlerë të lartë” të Rusisë, duke përfshirë bankat, rrethin e ngushtë të Putinit dhe oligarkët, sipas zyrës së jashtme.
