Bordi i përkohshëm i Korporatës Energjetike të Kosovës thotë se është i shokuar me keqmenaxhimin e kësaj korporate, shkruan Gazeta Sinjali.

Në reagimin e këtij bordi thuhet se në KEK momentalisht janë mbi 1000 vende pune të pa plotësuara.

“Bordi i përkohshëm i KEK sh.a. është shokuar qysh nga takimet e para në këtë korporatë, kur është njoftuar se KEK sh.a. ka një diskrepancë prej mbi 1000 punëtorëve më pak se sa janë paraparë me skemën në fuqi, e që kjo pa dyshim ka krijuar një situatë ku mosha mesatare e punëtorëve aktualisht është mbi 50 vjeç”, thuhet në reagim.

ky bord thotë se KEK, vetëm në fund të vitit 2018 ka humbur 4 milionë eruo në rastet gjyqësore me punëtorë.

E gjithë kjo, sipas bordit të përkohshëm, ka ardhur si pasojë e neglizhencës për të gjetur zgjidhje të bazuar ligjore me ç’rast do të evitoheshin kontestet e shumta me punëtorë,

“Më tutje punëtorët punojnë me pajisje personale mbrojtëse të vjetruara, si pasojë e mos furnizimit me to (ka mbi 5 vite që punëtorët nuk janë furnizuar) me to, dhe më skandaloze korporata paguan hiq më pak se rreth 1.5 (një e gjysmë) milion euro në vit kompanive private të cilat zëvendësojnë mungesën e një numri të punëtoreve në KEK”, thuhet në reagim./Gazeta Sinjali/