Bora ka fituar derbin prishtinas ndaj Sigal Prishtinës me rezultat 81:76 (20:19, 17:21, 24:17, 20:19), në ndeshjen e mbetur të xhiros së nëntë të ProCredit Superligës.
Njëkohësisht kjo ishte fitorja e parë për Borën ndaj Sigal Prishtinës. Për Borën ky është edicioni i parë në elitë.
Më të mirët te Bora ishin Rrezart Memedi me 24 pikë e shtatë kërcime dhe Adem Mekiq me 20 pikë, katër kërcime e nëntë asistime, ndërsa te Sigal Prishtina më i dalluari ishte Henrik Sirko me 20 pikë e shtatë kërcime.
Bora ka katër fitore e nëntë humbje, ndërsa Sigal Prishtina gjashtë fitore e shtatë humbje.