Autostrada Durrës–Tiranë është bllokuar përkohësisht në segmentin pranë Shijakut, si pasojë e përhapjes së tymit të dendur të shkaktuar nga një zjarr në zonën e Koxhasit.
Sipas raportimeve, tymi ka mbuluar një pjesë të madhe të aksit rrugor, duke ulur ndjeshëm shikueshmërinë dhe duke krijuar rrezik për qarkullimin e automjeteve.
Për shkak të situatës së krijuar, autoritetet kanë marrë vendim për mbylljen e përkohshme të segmentit rrugor, deri në përmirësimin e kushteve dhe largimin e tymit nga zona.
Në terren po vijojnë ndërhyrjet për shuarjen e zjarrit, ndërsa drejtuesve të mjeteve u është bërë thirrje për kujdes dhe shmangie të lëvizjes në këtë aks deri në njoftim të ri.
Sinjali – aty ku e vërteta flet para lajmit!