Profesori në Universitetin e Grazit, Florian Bieber, njëherësh edhe njohës i rrethanave politike të Ballkanit Perëndimor, ka reaguar lidhur me protestën e mbajtur nga serbët në qendër të Beogradit, ku dhjetëra mijëra persona protestuan nën sloganin “Serbia kundër dhunës”.
Bieber ka shkruar në Twitter se kurrfarë tensioni e dhune në Kosovë nuk mund të ndalë dinamikën e kësaj proteste në Serbi.
“Asnjë dhunë në Kosovë nuk mund ta ndryshojë këtë dinamikë. Nacionalizmi ka dështuar t’i mposhtë qytetarët e angazhuar. Koha për SHBA & BE për ta kuptuar”, ka shhkruar Bieber.
Kjo protestë u thirr nga opozita dhe është e katërta e këtij lloji që organizohet në Serbi, për të kundërshtuar përgjigjen e Qeverisë serbe pas dy sulmeve masive që ndodhën në maj në këtë shtet, kur u vranë 18 persona.
Pasi qytetarët u mblodhën para ndërtesës së Kuvendit serb, ata vendosën lule dhe nderuan viktimat e sulmeve me armë zjarri.
Many more 🇷🇸 citizens came out today, despite ☔, without 🥪🚌, to protest against violence than Vučić with all state & party resources could mobilze. No violence in 🇽🇰 could change this dynamic. Nationalism has failed to trump engaged citizens. Time for 🇺🇸 & 🇪🇺 to realise. https://t.co/pyCwmGQnso
— Florian Bieber 🇺🇦 (@fbieber) May 27, 2023
