Punonjësit e Shtëpisë së Bardhë dhe stafi i fushatës së Joe Biden, javën e kaluar kishin këmbëngulur se presidenti kishte planifikuar të qëndronte në garën e vitit 2024, pavarësisht të zërave brenda Partisë Demokratike që ai të tërhiqej.
Deri të shtunën, ndihmësit e presidentit po përgatisnin një plan për fushatë e cila do të ishte gati për këtë javë.
Ai ishte me COVID-19 i izoluar në shtëpinë e tij në plazh në brigjet lindore të Delaware, duke këmbëngulur se ai ishte i gatshëm, por i zemëruar pasi një përpjekje e koordinuar për t’i bërë presion atij për t’u larguar nga disa demokratë filloi të shpërndahej në opinionin publik.
Deri të dielën në mëngjes, presidenti kishte ndryshuar mendje, sipas burimeve, shkruan BBC.
Të shtunën në mbrëmje, Biden filloi të shqyrtojë nëse duhet të tërhiqej, një nga vendimet më të vështira të karrierës së tij politike 50-vjeçare. Ai ishte me një rreth të vogël ndihmësish, ku përfshihej Steve Richetti, një nga këshilltarët e tij më të afërt, Mike Donilon, shefi i strategut të tij, Annie Tomasini, zëvendësshefi i kabinetit të tij dhe Anthony Bernal, shefi i kabinetit të Zonjës së Parë, Jill Biden.
Richetti, i cili ka qenë një ndihmës i ngushtë i presidentit që nga ditët e Senatit, doli me makinë në shtëpinë e presidentit në plazh të premten. Donilon, një ndihmës tjetër që ka luajtur një rol kyç në disa nga vendimet më të mëdha politike të presidentit, u bashkua të shtunën. Biden dhe ndihmësit e tij diskutuan mbi të dhënat e reja të sondazheve dhe poashtu nëse ai mund të mposhtte Donald Trumpin në peizazhin aktual politik.
Përballë të dhënave të reja dhe përgatitjes për një javë të më shumë dezertimeve publike brenda partisë, presidenti kishte një vendim për të marrë. Ai punoi me Donilon, duke hartuar deklaratën historike që do t’i jepte fund kandidaturës, ndërsa Richetti punoi me detajet e publikimit të njoftimit dhe informimit të stafit tjetër.
Biden mori vendimin përfundimtar se do të largohej të dielën në mëngjes, duke thirrur veçmas shefin e kabinetit Jeff Zients, kryetaren e fushatës së tij Jen O’Malley Dillon dhe zëvendëspresidenten Kamala Harris për t’i informuar ata, thanë burime të njohura me mënyrën se si rrodhën ngjarjet e së dielës.
Të dielën pasdite, presidenti zhvilloi një video-telefonatë me stafin e tij më të lartë të Shtëpisë së Bardhë dhe të fushatës, duke përfshirë Anita Dunn, e cila menaxhon strategjinë e tij të komunikimit në Shtëpinë e Bardhë. Një minutë më vonë, ai lëshoi një deklaratë publike që shkaktoi valë tronditëse në të gjithë peizazhin politik amerikan dhe përmbysi zgjedhjet e vitit 2024.
Megjithëse Biden nuk e përmendi zonjën Harris në deklaratën e tij fillestare. Ai postoi në “X” mbështetjen e tij për zëvendëspresidenten e tij rreth gjysmë ore më vonë.
Shumë në Shtëpinë e Bardhë dhe në fushatë nuk ishin të informuar paraprakisht për planet e Bidenit. Më së shumti u mor vesh nga postimi në rrjetet sociale.