Presidenti i ri i SHBA-së, Joe Biden më 21 maj të vitit 2009 e kishte vizituar Kosovën për herë të parë, shkruan Gazeta Sinjali.

Atëherë zëvendëspresidenti i SHBA-së ateroi në Aeroportin e Prishtinës rreth orës 09:45.

Të njëjtën ditë e nderoi për herë të parë edhe Garda Ceremoniale e FSK-së.

Por ardhja e Biden kishte një qëllim. Ai nga foltorja e Kuvendit të Kosovës siguroi kosovarët për diçka të rëndësishme.

“Pavarësia e Kosovës është e pakthyeshme”, kishte thënë Joe Biden.

Poashtu Biden tregoi se çka u kishte thënë liderëve të Serbisë para se të vinte në Kosovë.

“I porosita liderët  e Serbisë që ta ndërpresin embargun tregtar ndaj Kosovës dhe u thashë se Kosova nuk mund të ndahet”.

Kjo ishte vizita e parë e tashmë presidentit Biden e për këtë arsye masat e sigurisë ishin tejet të rrepta.

Biden ka qenë një nga mbështetësit e hershëm të Kosovës në Senatin Amerikan.

Fjalimi i plotë i Joe Biden:

Ju falenderoj për mikpritjen. Është një privilegj qe jam në vendin tuaj edhe pse kam ardhur pak me vonesë më lejoni të uroj ditëlindjen, 1 vjetorin e Pavarësisë. Po kështu më lejoni t’ju falenderoj për Medaljen e Lirisë, edhe në emër të popullit amerikan, sepse e konsideroj nder për vendim tim këtë çmim.

Kam pasur një lloj qetësimi se do të isha pranë jush sepse keni bërë gjera të mrekullueshme. Unë kam udhëtuar në këtë rajon si senator por është hera e parë, si Zv.president i SHBA-së. Kam qenë në Bosnje, në Serbi dhe tani jam në Kosovë. Qëllimi ynë është i drejtpërdrejtë: Stabilizimi dhe përparimi i rajonit. Politika e SHBA-së është që Europa të jetë e lirë.

Për ju, rruga drejt Pavarësisë ka qenë e vështirë dhe ju e fituat. Por, sot detyra juaj është shumë e madhe. Opsioni i vetëm është stabiliteti në rajon, sepse pavarësia është e pakthyeshme, absolutisht e pakthyeshme. Suksesi i një Kosove të pavarur është prioritet për administratën Obama. Prioritet është sepse SHBA do që vendet e Ballkanit Perëndimor të jenë të integruara në Europë. Pranimi i Kosovës nga shtete të ndryshme të botës është pranimi i realetit. Ne do t’ju ndihmojmë të ndërtoni shtetin tuaj. Deri tani ju keni luajtur një rol jetik për demokracinë e vertetë. Unë ju përgëzoj për hapat që keni marrë për një demokraci shumëetnike dhe në paqe me fiqnjët. Keni miratuar ligje sipas Planit Ahtisari dhe keni fqinjësi të mirë.

Demokracia e Kosovës është forcë për stabilitetin rajonal, ndaj ka shumë punë për të bërë dhe njerëzit tuaj shpresojnë shumë nga ju. Si mik i Kosovës dhe si një përfaqësues i një vendi që ka investuar për ju, më lejoni t’ju them se:

Së pari ndërtoni institucione të forta dhe transparente. Zbatoni në mënyrë të plotë Planin Ahtisari, sigurojuni lirinë gjithë komuniteteve ndëretnike, hapni vende punë dhe forconi gjyqësorin pasi është themeli i demokracisë. Miratoni dhe zbatoni ligje efikase. Qeveria të bashkëpunojë me EULEX-in. Krijoni struktura shumetnike në dogana në polici e kudo.

Ju keni përgjegjësi të posaçme të shmangni frikën. Duhet të ofroni mbrojtje të fuqishme për pakicat etnike në pronat dhe shtëpitë e tyre.

Ruani trashëgiminë kulturore dhe lirinë fetare siç është Manastiri i Deçanit që do ta vizitoj sot.

Serbët e Kosovës duhet të marrin pjesë në institucionet e Kosovës. Unë siç e dini po vij nga Beogradi dhe drejtuesve atje iu thashë të mos krijojnë struktura paralele.

Po kështu iu kërkova liderëve të Serbisë të ndalin embargon ndaj Kosovës.

Shtetet e Bashkuara dhe Presidenti Obama ju jemi mirënjohës për punën e kryer. Me pavarësinë e Kosovës, ëndrra për futjen e Ballkanit Perëndimor në BE vazhdon. /Gazeta Sinjali/