Mbeturinat kanë ngulfatur sot qendrën e kryeqytetit duke u bërë kërcënim serioz për shëndetin e banorëve.

Një sasi e madhe mbetjesh ushqimore, kesesh dhe kartonë shihen të shpërndara në rrugë jashtë kontejnerëve të cilët janë të stërbushur nga bërlloku, shkruan Gazeta Sinjali.

Kjo gjendje është evidentuar sot nga një Sinjalizues, në parkingun prapa rrugës “Rexhep Luci” konkretisht në  rrugën “Nurije Zeka”.

Siç duket nga fotot e dërguara në adresë të redaksisë së Gazetës Sinjali, kjo zonë në zemër të kryeqytetit është harruar nga punonjësit e kompanisë rajonale të mbeturinave “Pastrimi”.

Ky nivel alarmant i ndotjes është bërë burim kërcënimi për shëndetin e banorëve dhe terren i përshtatshëm për qentë endacakë.  /Gazeta Sinjali/