Presidenti i Shqipërisë, Bajram Begaj, ka uruar Kosovën me rastin e 27-vjetorit të çlirimit, duke vlerësuar se liria e vendit është rezultat i sakrificës së madhe dhe mbështetjes së aleatëve ndërkombëtarë.
Përmes një postimi në rrjetet sociale, Begaj theksoi rolin vendimtar të Ushtrisë Çlirimtare të Kosovës dhe kontributin e aleatëve strategjikë, veçanërisht NATO-s, në arritjen e lirisë.
Ai falënderoi aleancën veri-atlantike për, siç u shpreh, qëndrimin në anën e drejtësisë dhe dinjitetit njerëzor në një moment kyç të historisë së Kosovës.
Begaj gjithashtu shprehu mirënjohje për luftëtarët e UÇK-së dhe të gjithë ata që kontribuan në çlirimin e vendit, duke përmbyllur mesazhin me nderim për dëshmorët e lirisë.
Sinjali – aty ku e vërteta flet para lajmit!