Këngëtarja e njohur shqiptare me fame në tregun internacional, Bebe Rexha, po shijon suksese të shumta!

Ajo është zgjedhur së fundmi si interpretuesja e kolonës zanore të filmit “Maleficent 2”, i cili njëherësh është ndër filmat me pritshmëritë më të mëdha këtë vit.

“You Can’t Stop The Girl” titullohet kënga shoqëruese e filmit, që në rol kryesor ka aktoren e madhe me famë botërore, Angelina Jolie.

Bebe Rexha ka bërë të ditur së fundmi se është në përfundim e sipër të klipit të këngës, që do të publikohet i plotë së shpejti.

Në një video të shkurtër të publikuar në rrjetin social Instagram, artistja shqiptare ka zbuluar disa nga skenat më interesante të videos muzikore.

Klipi është paraparë të duket si një përrallë e vërtetë, kjo pasi edhe filmi njihet si versioni real i përrallës së famshme për fëmijë, “Bukuroshja e fjetur”.

Në video, Bebe Rexha nuk do të mungojë si gjithnjë me sharmin e saj, teksa shihet e veshur me një fustan princeshash, duke u endur e lirë mes vegjetacionin dhe shtazëve, ndërsa interpreton këngën e saj.

“Së shpejti, videoja e “You Can’t Stop The Girl” nga Disney për “Maleficent: Mistress of Evil””, ka shkruar Rexha në mbishkrimin e videos paralajmëruese në Instagram./Gazeta Sinjali/