Ministrat e Jashtëm të Bashkimit Evropian vendosën të hënën të vendosin sanksione ndaj Shërbimit Federal të Ndëshkimit të Rusisë dhe ndaj 19 rusë për shkelje të të drejtave të njeriut pas vdekjes së politikanit opozitar Alexei Navalny në një burg në shkurt.
“Vdekja tronditëse e Alexei Navalny ishte një tjetër shenjë e represionit të përshpejtuar dhe sistematik nga regjimi i Kremlinit. Ne nuk do të kursejmë asnjë përpjekje për të kërkuar përgjegjësinë e udhëheqjes politike dhe autoriteteve ruse”, tha në një deklaratë shefi i politikës së jashtme të BE-së, Josep Borrell.
Kremlini ka mohuar çdo përfshirje të shtetit në vdekjen e Navalny.
Sanksionet përfshijnë gjyqtarë, prokurorë dhe anëtarë të gjyqësorit rusë. Pasuritë e tyre në Bashkimin Evropian, nëse kanë të tilla, janë të ngrira dhe kompanive evropiane u ndalohet të vënë fonde në dispozicion të tyre.
19 personat nën sanksione gjithashtu nuk mund të hyjnë, apo të kalojnë tranzit nëpër BE, shkruan Reuters.