Ministrja, Hykmete Bajrami ka mbajtur takim virtual me drejtorin e Bankës Botërore për Kosovë, Massimiliano Paolucci.

Në takim u diskutua për projektet aktuale të Bankës Botërore në Kosovë si dhe për projektet e reja që pritet të realizohen në tri vitet e ardhshme.

“Bajrami e njoftoi Paoluccin me punën e Ministrisë së Financave rreth menaxhimit të financave publike, realizimit të projekteve qeveritare, si dhe rreth politikave të Qeverisë së Kosovës për rigjallërimin e ekonomisë. Ajo falënderoi përfaqësuesit e BB-së për bashkëpunimin e deritashëm në projekte të shumta, të cilët kanë kontribuar në rritjen ekonomike dhe zhvillimin e përgjithshëm të vendit tonë”, thuhet në një njoftim për media.

Ndërkaq Paolucci theksoi se Banka Botërore do të vazhdojë përkushtimin e saj për të mbështetur Kosovën në projekte të rëndësishme që fuqizojnë ekonominë dhe kontribuojnë në zhvillimin e gjithëmbarshëm të Republikës së Kosovës. /GazetaSinjali/