Deputetja e Lidhjes Demokratike të Kosovës, Hykmete Bajrami e ka quajtur si lajm të mirë ndarjen e 50 mijë eurove për familjen e heroit Afrim Bunjaku, policit që ra në krye të detyrës gjatë sulmit terrorist në veri.
Sipas Bajrami ky është një lajm i mirë por nuk është e mjaftueshme.
Bajrami ka kërkuar nga Qeveria e Kosovës të ndajë urgjentisht mjetet shtesë të rrezikshmërisë për Policinë e Kosovës.
Postimi i plotë:
“Lajm i mirë ndarja e 50 mijë eurove për familjen e Heroit Afrim Bunjakut. Por, kjo nuk është e mjaftueshme. Urgjentisht, Qeveria duhet të ndajë mjete për shtesën e rrezikshmërisë në punë për gjithë policët. Sot, Qeveria do të duhej të çonte përpara sigurimet jetësore e shëndetësore për gjithë ruajtësit e rendit në Republikë”, shkroi ajo.
