Kryetari i komunës së Mitrovicës, Agim Bahtiri, ka thënë se krijimi i një qeverie të re është antikushtetues dhe i turpshëm. Madje ai ka përdorur edhe frazën të cilën e ka përdorur lideri i tij, Albin Kurti, “Ju mundeni, por pastaj nuk mundeni”.

“Ju mund ta bëni një qeveri me veprime antikushtetuese, por pastaj nuk mundeni, sepse populli do të ju lë në opozitë më gjatë se që e prisni”, ka shkruar Bahtiri.

Bahtiri ka theksuar se Kurti do të vazhdojë të mbetet kryeministër legjitim i Kosovës. Takimin e sotëm të presidentit Thaçi me liderët e partive politike e quajti të jashtëligjshëm./ Gazeta Sinjali/