image "Baba Sheh" merakli i kanabisit/ Ky është 51-vjeçari nga Gjakova të cilit iu gjet kanabisi i mbjellë në oborr

Siguri

“Baba Sheh” merakli i kanabisit/ Ky është 51-vjeçari nga Gjakova të cilit iu gjet kanabisi i mbjellë në oborr

news image

Gazeta Sinjali raportoi më 16 korrik për arrestimin e një 51-vjeçari me inicialet A.D., në Gjakovë, i dyshuar për “Kultivimi i bimës së hashashit, shkurres së kokainës ose bimëve të kanabisit” .

Sinjali mëson se personit të cilit policia ia gjeti në oborr 148 bimë të llojit Kanabis Sativa me gjatësi prej 30 cm deri 1 metër, është Astrit Dema.

Astrit Dema, i veshur si sheh

Për më tepër, Astrit Dema, është bashkëshorti i ish-asmblistes së Nismës në Komunën e Gjakovës, Violeta Dema.

Bimët e dyshuara narkotike që u gjetën në oborrin e Demës, pas marrjes se disa mostrave nga ana e njësisë së krim teknikës, janë shkatërruar me anë të djegies.

Përveç bimëve, në shtëpinë e Demës, policia gjatë bastisjes, gjeti dhe konfiskoi një armë revole me gaz (CO2).

Ndërkaq, prokurori kishte urdhëruar lirimin e 51-vjeçarit, në procedurë të rregullt gjyqësore.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./Gazeta Sinjali/