Presidenti i Serbisë, Aleksandër Vuçiq këtë të mërkurë ka folur për Asociacionin e Komunave Serbe në një konferencë të përbashkët me ministrin e Punëve të Jashtme të Suedisë, Tobias Billström.
Vuçiq në fjalën e tij është shprehur se sot shënohet 10 vjetori i marrëveshjes në Bruksel, mes Kosovës dhe Serbisë, dhe sipas tij vendi i tij do të përmbushë detyrimet që ka konfirmuar, por nuk do të mbështesë anëtarësimin e Kosovës në OKB dhe agjencitë dhe institucionet e specializuara të OKB-së. Unë i kam informuar qartë të gjithë për këtë.
Presidenti tha gjithashtu se ka vërejtur se po përdoret një truk politik, që është se “është e rëndësishme që shqiptarët të fillojnë procesin, të fillojnë procesin e formimit të ZSO-së dhe se Serbia duhet të përmbushë gjithçka që u vjen në mendje. ”
“Sot bëhen 10 vjet nga miratimi i Marrëveshjes së Brukselit. Ju formoni një ZSO me fuqi thelbësore dhe kur ta bëni këtë, Serbia gjithmonë e ka mbajtur fjalën, edhe pas Marrëveshjes së Brukselit dhe do të vazhdojë ta bëjë këtë edhe në të ardhmen. Por nuk ka asnjë lojë për këtë. Ju duhet ta përmbushni atë dhe vetëm kur ta përmbushni, atëherë ne do të përmbushim pjesën tonë. Ndoshta në shenjë vullneti të mirë do të bëjmë diçka në mënyrë të njëanshme, por kjo nuk ka të bëjë me detyrimin tuaj, të cilin duhet ta përmbushni plotësisht. Sepse është një obligim që ekziston që nga 19 prilli 2013”, ka thënë Vuçiç.
Ndër të tjera ai ka theksuar se në Serbi nuk ka budallenj, dhe se ato presin që në Kosovë të përmbushin detyrimet e caktuara nga marrëveshja në 2013, dhe më pas ato do kryejnë detyrimet e tyre. /abcnews.al
