image "As nuk e kam prekur me dorë", Gashi i LDK-së flet pas përplasjes me këshilltarin e Konjufcës - Sinjali

“As nuk e kam prekur me dorë”, Gashi i LDK-së flet pas përplasjes me këshilltarin e Konjufcës

news image

Shefi i Grupit Parlamentar të Lidhjes Demokratike të Kosovës, Arben Gashi, foli para gazetarëve për përplasjen në Kuvend, si pasojë e së cilës dështoi mbledhja e kryesisë.

Gashi në një konferencë për media tha se “as nuk e kam prekur me dorë”, shefin e kabinetit të kryeparlamentarit, Ilir Kërçelin.

Konjufca tha paraprakisht se Gashi ia ka mësyar për ta sulmuar fizikisht Kërçelin.

“Kryetari i Kuvendit e kishte marrë me vete edhe shefin e kabinetit i cili kishte bërë shkelje të detyrave. Ne kërkuam që ai të mos ishte prezent. Kryetari nuk pranoi që ai të largohet dhe mbledhja dështoi”, tha Gashi, duke theksuar se e ka mbajtur një distancë me shefin e kabinetit të Konjufcës.

Gashi tha se shefi i kabinetit nuk duhej të merrje pjesë në mbledhjen e sotme të Kuvendit.

“Specifikat e këtij institucioni nuk lejojnë që shefi i kabinetit të bëhet palë në debatet e brendshme politike”, tha ai./GazetaSinjali/


Shpërndaje artikullin