Policia e Kosovës ka arrestuar sot një 29 vjeçar me inicialet L.D, pasi i njëjti është parë në një video duke goditur në mënyrë brutale një fëmijë të komunitetit ashkali në fshatin Gurrakoc të Istogut.

Policia njofton se lidhur me këtë video është njoftuar sot në mëngjes nga një qytetar.

“Policia e Kosovës pas shikimit të video incizimit, ka ndërmarrë masa të menjëhershme për arrestimin e të dyshuarit. Rasti  ka ndodhur me datën 14.08.2019 në ora 14:00, në Gurrakoc-Istog. Pas një pune intensive operativo-hetimore, sot me datën 19.08.2019 rreth orës 09:23 Policia e Kosovës- Stacioni Policor Istog ka arrestuar të dyshuarin:  L.D  lindur me 1990  m/k/sh ”, thuhet në komunikatën e policisë

Me urdhër të prokurorit,i dyshuari ndalohet për 48 ore. Viktima femër e mitur ishte dërguar për trajtim mjekësor, me ç’rast gjendja e saj sipas mjekut, ishte stabile.  

Zyrtarët policorë janë duke qëndruar në kontakt me familjarët e viktimës për t’i përkrahur për çfarëdo nevoje që mund të kenë./Sinjali/