Sot Policia e Kosovës ka arrestuar një vëzhgues dhe një komisioner në Malishevë, për shkak të dyshimeve për dhënie dhe marrje ryshfeti, mëson Sinjali.
Të arrestuarit dyshohet se janë një vëzhgues i Nismës dhe një komisioner i AAK-së, të cilët u kapën në një qendër në Malishevë, raporton Gazeta Sinjali.
Me urdhër të prokurorit, të arrestuarit janë ndaluar për 48 orë.
“Prokurori i Shtetit dhe Policia e Kosovës mbeten të përkushtuar në realizimin e detyrave dhe përgjegjësive të tyre ligjore, në mënyrë profesionale, transparente dhe të paanshme karshi qytetarëve dhe vendit, andaj inkurajojmë të gjithë qytetarët që të bashkëpunojnë me Prokurorinë e Shtetit dhe Policinë e Kosovës dhe njëherit të raportojnë për ç’do rast të kundërligjshëm që ndërlidhet me sigurinë dhe procesin zgjedhor”, thuhet në njoftimin për media.