Gjatë ditës së sotme mediat malazeze kanë raportuar se ish-sekretari i Ministrisë së Tregtisë dhe Industrisë së Kosovës, Burim Rreci është arrestuar.
Sipas këtyre raportimeve, ai është ndaluar në një vendkalim kufitar mes Malit të Zi dhe Kroacisë, e ku në veturën e tij janë gjetur rreth 50 kilogramë marihuanë.
Mediumi “Vijesti” ka raportuar se Rreci është arrestuar në mëngjes.
Kurse, për një gjë të tillë kanë njoftuar zyrtarisht edhe Drejtoria e Policisë dhe Drejtoria e të Hyrave dhe Doganave.
“Aktivitetet e koordinuara të Drejtorisë së Policisë dhe Drejtorisë së të Hyrave dhe Doganave të mëngjesit të sotëm rreth orës 03:30 parandaluan kontrabandën e lëndës narkotike, për të cilën dyshohet se është drogë e llojit marihuanë me peshë rreth 48.2 kilogramë. B.R. është privuar nga liria nën dyshimin se ka kryer veprën penale prodhim, posedim dhe shpërndarje e pautorizuar e lëndëve narkotike. Masat dhe veprimet e mëtejshme policore-prokuroriale për këtë rast janë në vazhdim e sipër”, thuhet në njoftim.
