Në Belgjikë është arrestuar një shtetas shqiptar gjatë një operacioni ndërkombëtar të koduar “The Wanted”, i zhvilluar në bashkëpunim mes autoriteteve shqiptare dhe atyre belge.
Sipas Policisë së Shtetit, i arrestuari është Gerd Gjinarari, 52 vjeç, i cili dyshohet se qëndronte në Belgjikë me dokumente italiane të falsifikuara.
Arrestimi është kryer pas shkëmbimit të informacioneve mes Policisë së Shtetit dhe Interpolit në Bruksel.
Sipas vendimeve të gjykatave shqiptare dhe italiane, Gjinarari është dënuar me burgim të përjetshëm për vepra të rënda penale, përfshirë vrasje me paramendim, trafik droge dhe pjesëmarrje në organizatë kriminale.
Autoritetet kanë bërë të ditur se vijon bashkëpunimi për procedurat e ekstradimit të tij drejt Shqipërisë.
Sinjali – aty ku e vërteta flet para lajmit!