Disa persona janë arrestuar dhe tri kazino janë rrënuar në një aksion që ka nisur në orët e para të mëngjesit të sotëm në Karaçevë, shkruan Gazeta Sinjali.
Ministri i Punëve të Brendshme, Xhelal Sveçla ka dhënë detaje për këtë aksion.
Sveçla ka thënë se arrestimet po vazhdojnë edhe në këto momente, ndërkohë që janë konfiskuar aparatet e lojërave të bixhozit.
“Në bashkëpunim dhe koordinim me Prokurorinë Themelore në Gjilan dhe me autoritet komunale të Dardanës sot u godit rrjeti i kazinove ilegale në zonën e fshatit Karaqevë. Pas konfiskimit të aparatave për lojërat e bixhozit, u rrënuan objektet e ndërtuara ilegale si dhe arrestimet e personave të përfshirë në këtë aktivitet kriminal po vazhdojnë edhe në këto momente”, ka shkruar Sveçla.