Gazetat gjermane, zvicerane dhe austriake publikojnë shkrime për përshkallëzimin e mosmarrëveshjes për targat në Kosovë. Përveç deklarimit të fakteve, gazetat shohin edhe ndikimin rus në të gjithë këtë çështje.
Për të përditshmen zvicerane Noye Zircher Zeitung, gazetari Volker Pabst nga Stambolli shkruan për përshkallëzimin e mosmarrëveshjes për targat në Kosovë:
“Në shtator u arrit një sukses në marrëdhëniet ndërmjet Serbisë dhe Kosovës, i cili gjithashtu ishte i një rëndësie simbolike. Që atëherë, qytetarët e Kosovës mund të udhëtojnë në Serbi me dokumentet e vendit të tyre. Beogradi, i cili nuk e njeh shtetësinë e ish-krahinës së tij. , në këtë mënyrë pranon për herë të parë dokumente me shenjat e Republikës së Kosovës, por, pas kësaj, konfrontimi u intensifikua për një tjetër simbol të sovranitetit shtetëror të Kosovës – mbi targat e veturave në veri të Kosovës.”
Më pas, teksti numëron gjenezën e konfliktit dhe të gjitha detajet e njohura, që nga rrëzimi i dronëve, bisedimet e Vuçiqit me ambasadorin kinez dhe rus në Beograd, deri te braktisja e institucioneve të Kosovës. Në fund, autori vlerëson:
“Zhvillimi i ngjarjeve në veri të Kosovës në dritë të qartë tregon potencialin ende të madh për shkaktimin e trazirave që ka Moska në Ballkan”. Teksti përfundon me apelin e diplomatit të parë të Bashkimit Evropian, Josep Borel, i cili u bëri thirrje të dyja palëve t’i kthehen dialogut, serbëve të Kosovës të kthehen në institucione dhe Prishtinës që t’i afrohet formimit të Asociacionit të Komunave Serbe pa hezitim.
Tageszeitung: Deklarata shqetësimi
E përditshmja e Berlinit Tageszeitung boton gjithashtu një reportazh për të njëjtën temë, të nënshkruar nga gazetarja Jana Laper nga Beogradi:
“Tashmë pati protesta të mëdha këtë verë kur Prishtina u përpoq të standardizojë të gjitha targat. Sipas Bashkimit Evropian, një praktikë e tillë është me ligj. Nga ana tjetër, Serbia nuk lejon hyrjen e veturave me targa të Kosovës. Ngasësit e veturave duhet të vënë shenja të përkohshme nëse duan të hyjnë në Serbi”.
Teksti më pas citon tweetet dhe deklaratat e politikanëve të Kosovës që akuzojnë Beogradin për përshkallëzim, dhe më pas një video është tematizuar: “Portali istraga.ba tregoi nacionalistët serbë të maskuar që patrullonin veriun e Kosovës në natën ndërmjet të shtunës dhe të dielës, duke brohoritur: Jemi kthyer. Kosova është Serbi, Krimea është Rusi”.
Në fund citohen deklaratat shqetësimi dhe thirrjet për dialog që vijnë nga Brukseli.
Standard: “Dramë e inskenuar”
Dhe Standardi vjenez publikon një artikull me titull: “Shqetësim për përshkallëzimin e mosmarrëveshjes për regjistrimet: nacionalistët në veri të Kosovës bojkotojnë institucionet”. Teksti është firmosur nga gazetarja Adelheide Velfl:
“Tërheqja nga institucionet është zbatuar rregullisht që nga vitet 1990 si një lëvizje politike nga nacionalistët, të cilët duan të minojnë funksionimin e shtetit”. Kështu ka ndodhur rreth një vit më parë tërheqja e nacionalistëve serbë nga institucionet e shtetit të Bosnjë-Hercegovinës”, shkruan Velfl dhe më tej përshkruan faktet e njohura në mosmarrëveshjen për targat.
Më pas thuhet: “Qeveria e Albin Kurtit ka mbështetjen parimore të BE-së në këtë çështje, por javët e kaluara ka pasur një përpjekje tjetër për shtyrjen e vendimit për dhjetë muajt e ardhshëm”. Qeveria e Kosovës, megjithatë, insistoi që zbatimi duhet të vijojë në javët në vijim. BE-ja u bëri thirrje përfaqësuesve të Serbisë në Kosovë që të kthehen në institucione dhe Qeverisë së Kosovës të formojë Asociacionin e Komunave Serbe, për të cilën është rënë dakord me Marrëveshjen e Brukselit.
Përkatësisht, Serbia dhe Kosova kanë interpretime të ndryshme të funksioneve që ky asociacion duhet të ketë. Qeveria serbe insiston në krijimin e Asociacionit mbi bazën e ligjit publik, jo privat. Kjo është kundërshtuar kategorikisht nga qeveria e Kosovës, sepse ka frikë se në veri të Kosovës Asociacionit do t’i jepeshin funksione ekzekutive. Dhe Gjykata Kushtetuese e Kosovës ka vendosur kundër saj.”
“Në përgjigje të pyetjes së gazetës ‘Standard’ drejtuar institucioneve të BE-së, njëri nga zëdhënësit ka theksuar faktin se teksti i Marrëveshjes së Brukselit nuk është publikuar nga BE-ja, por nga Serbia dhe Kosova. BE-ja nuk ofroi një interpretim të përmbajtjes së marrëveshjes dhe pikave kontestuese për Asociacionit e Komunave Serbe”.
“Së fundi, më 3 nëntor, në samitin e liderëve të Ballkanit Perëndimor në kryeqytetin gjerman u arrit një marrëveshje e suksesshme në kuadër të procesit të Berlinit. Sipas marrëveshjes, shtetasit e Kosovës dhe Bosnjë dhe Herzegovinës mund të hyjnë tani pa vizë në të dy vendet.
Më tej në tekst, autori rendit frikësimet e bëra nga “Srpska lista”, sundimin autokratik të Vuçiqit, rolin e Kishës Ortodokse Serbe, vrasjen e Oliver Ivanoviqit dhe mosmarrëveshjen për targat e quan “dramë të inskenuar” me regji të Vuçiq, raporton DW.
Në fund të tekstit ajo përmend edhe ndalimin e ardhjes së Vuk Jeremiqit në Graçanicë dhe citon ministren e Punëve të Jashtme të Kosovës, Donika Gërvalla-Schwarz, e cila ka thënë se “oreksi i Serbisë dhe Rusisë për pushtime territoriale është larg nga të qenit i kënaqur”.
Autorja e përfundon tekstin e saj të gjatë duke shpjeguar se shkëputja e Kosovës ka ndodhur “për shkak të shkeljeve të të drejtave të njeriut”.
