Telekomi i Sllovenisë ka njoftuar se është anuluar shitja e kompanisë së telekomunikacionit IPKO, shkruan Gazeta Sinjali.

Siç është bërë e ditur, procedura është përmbyllur pa zgjedhjen e një blerësi dhe IPKO do të mbetet pjesë e Grupit të këtij Telekomi.

“Në përputhje me dispozitat e Rregullave të Bursës së Lubjanës dhe legjislacionit të vlefshëm, Telekom Slovenije, dd, Cigaletova 15, Ljubljana, njofton publikun se që nga sot ajo ka ndaluar procedurën e shitjes së 100% të aksioneve të saj në Kosovë me bazë IPKO Telecommunications LLC. Procedura u përmbyll pa zgjedhjen e një blerësi dhe IPKO Telecommunications LLC do të mbetet pjesë e Grupit Telekom Slovenije”, thuhet në njoftim.

Kujtojmë se, Telekom Slovenije e ka nxjerrë në shitje IPKO-n në mesin e korrikut të vitit të kaluar.

Ai këshillohet nga “Erste Group”, me bazë në Austri, në procesin e shitjes së aksioneve, si pjesë e strategjisë së përgjithshme të operatorit për t’u larguar nga tregu i Kosovës deri në 2023./Gazeta Sinjali/