Kombëtarja e Anglisë ka zhvilluar një pjesë të parë të jashtëzakonshme ndaj Francës në ndeshjen për medaljen e bronztë në Kupën e Botës 2026, duke shkuar në pushim me epërsi të thellë 4-0.
“Tre Luanët” e zhbllokuan rezultatin që në minutën e tretë, kur Declan Rice realizoi një gol spektakolar nga distanca.
Pak më vonë, Bukayo Saka arriti të dërgonte topin në rrjetë, por goli i tij u anulua për pozitë jashtë loje. Epërsinë e dyfishoi Ezri Konsa, i cili shënoi me kokë pas një harkimi të saktë të Rice.
Në minutën e 37-të, Marcus Rashford realizoi golin e tretë pas një bashkëpunimi me Sakan, duke e vënë Francën në një pozitë shumë të vështirë.
Në anën tjetër, “Gjelat” tentuan të reagojnë përmes Kylian Mbappes, por sulmuesi francez nuk arriti t’i konkretizonte mundësitë e tij.
Në minutat shtesë të pjesës së parë, Saka u shfaq sërish protagonist, duke realizuar një gol të bukur për rezultatin 4-0.
Mbetet të shihet nëse Franca do të arrijë të reagojë në pjesën e dytë apo Anglia do ta ruajë epërsinë dhe do ta sigurojë medaljen e bronztë.
Sinjali – aty ku e vërteta flet para lajmit!