Një blogere shqiptare në Londër është vënë në qendër të një investigimi nga tabloidi britanik The Sun on Sunday.
Hulumtimi ekspozon shitjen dhe përdorimin e pasaportave biometrike të falsifikuara nga grupet kriminale me qëllimin kalimin e shqiptarëve në Britaninë e Madhe.
2.6000 stërlina thotë The Sun on Sunday është çmimi pasaportave biometrike evropiane të cilat iu shiten emigrantëve shqiptarë.
“Emigrantët ilegalë janë duke përdorur high-tech pasaporta për të hyrë në Angli. Ekspertë të pasaportave biometrike të punësuar nga grupet kriminale shqiptare në trafikun e njerëzve, munden të vendosin në chipat e pasaportave të dhënat e personit që e blen e udhëton”, shkruan The Sun on Sunday.
Blogerja shqiptare
Në shkrimin e The Sun on Sunday theksohet se një vajzë e re shqiptare reklamon në Tik Tok shitjen e këtyre pasaportave dhe tregon përmes videove që poston, jetën e saj të shtrenjtë në Angli.
