Ambasadori i Palestinës në Serbi, Mohammed Nabhan ka bërë thirrje tek vendet arabe që t’i tërheqin njohjet ndaj Republikës së Kosovës, shkruan Sputnik, transmeton Gazeta Sinjali.
“Për Palestinën, Jeruzalemi është një vijë e kuqe, dhe hapja e ambasadës së Kosovës në atë qytet është një akt armiqësor për ne. Unë u bëj thirrje vendeve arabe të rishikojnë njohjen e Kosovës dhe të bëjnë presion mbi ta që të mos hapin një ambasadë në Jeruzalem”
“Kushdo që përpiqet të hapë një ambasadë në Jeruzalem po na dëmton dhe përpjekjet tona për të arritur një zgjidhje të drejtë dhe gjithëpërfshirëse me Izraelin”, tha ai.
Nabhan tha se nuk e njohin Kosovën sepse i përmbahemi ligjit ndërkombëtar.
“Ne nuk e njohim Kosovën sepse i përmbahemi ligjit ndërkombëtar. Kjo nuk do të thotë se ka diçka që nuk shkon mes nesh dhe shqiptarëve, por ne duam që të gjithë të respektojnë ligjin ndërkombëtar. Ne nuk e njohim Kosovën sepse ne respektojmë Rezolutën 1244, e cila e trajton Kosovën si pjesë të Serbisë. Nëse diçka duhet të ndryshojë në atë rrugë, ajo duhet të ndryshojë si rezultat i bisedimeve midis Serbisë dhe asaj enklave”, tha Nabhan.
“Unë pres dhe u bëj thirrje vendeve arabe dhe islamike që e kanë njohur Kosovën, pasi është thirrur që të kenë një shumicë myslimane të popullsisë dhe të kërkojnë njohje nga shtetet arabe dhe myslimane, të rishikojnë njohjen e Kosovës dhe të bëjnë presion në Prishtinë jo për ta bërë këtë (vendosur ambasadën në Jerusalem”, tha ai.