Kompania Amazon ka njoftuar se ka prodhuar një robot të pagëzuar me emrin Astro.

Sipas Amazon, roboti është një pajisje teknologjike e zgjuar dhe mund të kryejë disa funksione.

Kompania tha se Astro mund të kontrollohet nga distanca kur nuk jeni në shtëpi, për të kontrolluar kafshët shtëpiake, familjarët e tjerë ose sigurinë e banesës.

Ai gjithashtu mund të patrullojë një shtëpi automatikisht dhe t’u dërgojë pronarëve një njoftim nëse zbulon diçka të pazakontë.

Lidhur me shqetësimet e privatësisë, Amazon ka shpjeguar se nuk ka asgjë për t’u shqetësuar. Roboti ka disa kamera dhe mikrofona që kur janë të fikura nuk lejojnë robotin të lëvizë.

Roboti do të dërgohet këtë vit më vonë, tha Amazon, por vetëm në SHBA. Dhe pas fillimit, të kufizuar, çmimi i tij do të shkojë deri në 1,449.99 dollarë.

“Unë besoj se roboti Astro do të shitet brenda pak minutash kur të bëhet i disponueshëm në tregun amerikan,” tha Wood. “Thjesht jam i mërzitur se nuk do të transportohet në Mbretërinë e Bashkuar në të ardhmen e parashikueshme”, tha Ben Wood, analist kryesor në CCS Insight.

“Astro është një veprim i guximshëm nga Amazon, por një hap logjik duke pasur parasysh ekspertizën e tij në robotë dhe dëshirën për t’u integruar më shumë në jetën e përditshme të konsumatorëve”, theksoi Wood.