Ken McNickle ka zbuluar se është diagnostikuar me kancer, duke ndarë lajmin me ndjekësit e tij përmes një postimi emocional në rrjetet sociale.
I njohur për pjesëmarrjen në reality show-n e famshëm “Survivor: Millennials vs. Gen X”, McNickle tha se do të donte të ishte kujdesur më herët për shëndetin e tij dhe u bëri thirrje të gjithëve që të mos neglizhojnë kontrollet mjekësore.
“Siç kam thënë edhe më parë, nëse keni një shqetësim shëndetësor, mos e neglizhoni. Shkoni dhe kontrollohuni. Nuk ka asnjë arsye të vlefshme për të mos e bërë”, shkroi ai në Instagram.
Megjithëse nuk ka bërë të ditur llojin e kancerit me të cilin po përballet dhe as detaje rreth trajtimit, ai publikoi disa fotografi nga ambientet mjekësore, ku shfaqej gjatë kontrolleve.
Në mesazhin e tij, McNickle pranoi se ka pasur momente të vështira, por theksoi se familja e tij i jep forcën për të vazhduar betejën.
“Gjithmonë ekziston një zgjedhje. Dhe unë po zgjedh optimizmin, shëndetin, lumturinë dhe bindjen se shpirti më mbështet. Dhe më e rëndësishmja, po zgjedh dashurinë”, u shpreh ai.
Ken McNickle u bë i njohur në vitin 2016 pas pjesëmarrjes në “Survivor”, ndërsa aktualisht punon si model dhe trajner jete në Colorado.
Sinjali – aty ku e vërteta flet para lajmit!