Kryeministri Albin Kurti e ka emëruar Arbër Vokrrin zëvendësministër në Ministrinë e Administrimit të Pushtetit Lokal.
Kjo u bë e ditur përmes një komunikate për media nga Zyra e Kryeministrit.
“Kryeministri Kurti i ka uruar zëvendësministrit Vokrri suksese në plotësimin e detyrave dhe përgjegjësive të tij”, thuhet në komunikatë.
Vokrri është aktivist i Lëvizjes Vetëvendosje. Sipas të dhënave që vetë ai ka publikuar në llogarinë e tij në Facebook, Vokrri ka qenë Këshilltar Komunal në Komunën e Prishtinës.
Ai veç kësaj, është edhe anëtar i Këshillit të Përgjithshëm i Lëvizjes Vetëvendosje si dhe ka kandiduar për asamblist në zgjedhjet e fundit lokale.
