Inspektorati i Kryeqytetit ka njoftuar se po vazhdon aksionin e kontrollit të transportuesve të udhëtarëve në kryeqytet bashkë edhe me Policinë e Kosovës, shkruan Gazeta Sinjali.
Sipas Inspektoratit të Prishtinës, janë shqiptuar me dhjetëra gjoba, janë konfiskuar targa e vetura të cilat janë gjetur duke operuar pa leje pune ose në kundërshtim me rregullat e përcaktuara të operimit.
“Aksioni do të vazhdojë dhe nuk do të tolerohet askush që vepron pa leje të organeve kompetente”, thuhet në njoftim.
