Një aksident trafiku mes tre veturave ka ndodhur pasditen e sotme në fshatin Bresalc të Gjilanit, me ç’rast janë lënduar tre persona.
Lajmin për Sinjalin e ka konfirmuar zëdhënësi i Policisë për rajonin e Gjilanit, Ismet Hashani.
Hashani tha se tre të lënduarit kanë marrë tretman mjekësor në qendrën emergjente në Gjilan dhe se Policia është duke e hetuar rastin.
“Me datën 31.10.2024 ka ndodhur një aksident trafiku në fshatin Bresalc. Në këtë aksident kanë qenë të përfshira tri automjete. Përpos dëmeve materiale, lëndime trupore kanë presuar tre persona të cilët janë duke marrë tretman mjekësorë në qendrën emergjente në Gjilan”, tha Hashani.