Një aksident mes dy automjeteve ka ndodhur në Lupç të Podujevës, ku janë lënduar tetë persona, shkruan GazetaSinjali.

Në vendngjarje kanë dalë policia dhe ka filluar hetimet për shkaqet e aksidentit.

Lajmin e ka konfirmuar për Gazetën Sinjali, Flora Ahmeti, zëdhënëse e Policisë Rajonale të Prishtinës.

“Sot rreth orës 12:00 në fshatin Lupç të Podujevës, ka ndodhë një aksident trafiku, ku janë përfshirë dy automjete. Si pasojë e aksidentit tetë persona kanë pësuar lëndime trupore. Personat e lënduar kanë marrë trajtimin e nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, ka thënë Ahmeti. /GazetaSinjali/