Një aksident i rëndë trafiku ka ndodhur sonte në fshatin Ramun të Pejës, ku tri vetura janë ndeshur dhe për pasojë disa persona janë lënduar, raporton Gazeta Sinjali.
Lajmin e ka konfirmuar zëdhënësi i Policisë për Rajonin e Pejës, Driton Rugova, i cili tha se gjashtë persona kanë pësuar lëndime trupore.
Rugova bëri të ditur se të lënduarit janë dërguar në spitalin rajonal.
“Sot rreth orës 20:20, Policia është informuar për një aksident i cili ka ndodhur në fshatin Ramun-Pejë, në këtë aksident ishin të involvuara tri (3) vetura dhe si pasojë e aksidentit gjashtë (6) persona kanë pësuar lendime trupore, të njejtit janë dërguar në spitalin rajonal në Pejë për tretman mjekësor”.