Një aksident i rëndë trafiku ka ndodhur sot në rrugën Istog – Rakosh, saktësisht në fshatin Shushicë, ku për pasojë shtatë persona kanë mbetur të lënduar, raporton Gazeta Sinjali.
Sipas informacioneve të para, në këtë aksident janë përfshirë katër vetura, ndërsa personat e lënduar janë dërguar për të pranuar ndihmë mjekësore.
Lajmin e ka konfirmuar edhe zëdhënësi i Policisë për rajonin e Pejës, Fadil Gashi.
“Rreth orës 15:00 policia është njoftuar për një aksident në rrugën Istog-Rakosh në fshatin Shushicë. Në aksident të involvuara janë katër vetura. Shtatë persona janë lënduar dhe kanë kërkuar tretman mjekësor, ku sipas mjekut kujdestar janë jashtë rrezikut për ketë”, ka potencuar ai.