Një aksident me pasojë vdekjen është regjistruar mëngjesin e së hënës në rrugën nacionale Çermë–Divjakë, në zonën e njohur si Çermë Proshkë.
Viktima është një 71-vjeçare, e cila ka humbur jetën pasi është përplasur nga një motoçikletë teksa po tentonte të kalonte rrugën nga njëra anë në tjetrën.
Motoçikleta drejtohej nga një 24-vjeçar, ndërsa goditja ka qenë e fortë dhe e moshuara ka ndërruar jetë në vendngjarje.
Policia e Shqipërisë ka ndaluar drejtuesin e motoçikletës dhe ka nisur hetimet për të sqaruar rrethanat e plota të aksidentit.
Ky është aksidenti i dytë me fatalitet brenda dy ditësh në zonën e Lushnjës, duke ngritur shqetësime për sigurinë rrugore në këtë segment.
Sinjali – aty ku e vërteta flet para lajmit!