Një aksident me pasojë vdekjen është regjistruar në Librazhd, pranë ish-ndërmarrjes së Grumbullimit. Viktima është identifikuar si Hejdije Bajrami, 66 vjeçe dhe nënë e pesë fëmijëve.
Sipas informacioneve paraprake, ajo ka mbetur e plagosur rëndë si pasojë e aksidentit dhe është transportuar me urgjencë për ndihmë mjekësore.
Megjithatë, pavarësisht ndërhyrjes së ekipit mjekësor, 66-vjeçarja nuk ka mundur t’u mbijetojë plagëve të marra, shkruan Abcnews.al.
Policia po heton rrethanat dhe shkaqet e aksidentit.
Sinjali – aty ku e vërteta flet para lajmit!
