Aksidentet e trafikut në rrugët e vendit nuk kanë të ndalur, ku si pasojë përveç dëmeve të shumta, po shkaktohen edhe viktima të shumta, raporton Gazeta Sinjali.
Një i tillë ka ndodh edhe mëngjesin e sotëm te Konviktet e Studentëve ku janë lënduar gjashtë persona.
Lajmin për Gazetën Sinjali e ka konfirmuar Policia, e cila ka njoftuar se në aksident janë përfshirë dy vetura.
“Në këtë aksident kanë qenë të përfshira,dy automjete të cilat kanë qenë në lëvizje”, thuhet në njoftimin e Policisë.
Njoftimi i plotë i Policisë:
Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku.
Në këtë aksident kanë qenë të përfshira, dy automjete të cilat kanë qenë në lëvizje.
Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor.