Prishtina vazhdon të jetë komuna më e prekur nga koronavirusi në Kosovë, ndërsa kryetari i saj, Shpend Ahmeti është shprehur se kjo është shqetësuese, shkruan Gazeta Sinjali.
Përmes një postimi në Facebook, Ahmeti ka ripërsëritur se mbajtja e maskës mbetet një prej tri rregullave kryesore dhe masave mbrojtëse për parandalimin e përhapjes së virusit dhe rëndimin e situatës edhe më shumë.
Bilanci i koronavirusit në kryeqytet aktualisht është si në vijim: Nga data 20 mars deri sot janë konfirmuar 3 mijë e 103 raste pozitive me koronavirus, prej të cilave 1 mijë e 536 raste janë ende aktive. 1 mijë e 533 persona janë shëruar dhe zyrtarisht të konfirmuara janë 34 raste që kanë përfunduar me fatalitet.
“Të gjithë e kemi obligim që ta ruajmë veten dhe të tjerët rreth nesh e të jemi të ndërgjegjshëm. Sepse vetëm bashkë mund ta tejkalojmë këtë sfidë! Vazhdoni t’i mbani maskat, dezinfektoni duart dhe mbani distancë!”, ka shkruar ndër të tjera Ahmeti./Gazeta Sinjali/