Agjenti i Gonzalo Higuain ka zbuluar se ai ka marrë oferta nga Anglia, Spanja dhe MLS për sulmuesin e Juventusit.
“Ai ka marrë oferta nga Franca, Anglia, Spanja, Kina dhe klubet e SHBA, por jo oferta që po na joshin” – tha vëllai dhe përfaqësuesi i sulmuesit, Nicolas Higuain për Tuttosport.
Ai tha se Higuaini nuk do të luajë më në Itali dhe në Boca Juniors.
“Ne do ta bëjmë vlerësimin tonë me kujdes, por dy gjëra mund të them me siguri: Gonzalo nuk do të luajë më në Itali dhe mbi të gjitha ai kurrë nuk do të luajë për Boca Juniors. Ai u rrit në River Plate dhe ai kurrë nuk do të bashkohej me rivalët e tyre. Pensionimi? Kjo është marrëzi. Koha nuk ka ardhur akoma, ai dëshiron të luajë. Sa kohë do të luajë, i takon atij. Por ai dëshiron të vazhdojë të luajë. Ndoshta ai do të kthehet në Argjentinë në të ardhmen, por jo tani” – u shpreh agjenti i sulmuesit argjentinas.
