image Abazoviq shpëton, nuk shkarkohet nga pozita e zv-kryeministrit të Malit të Zi - Sinjali

Abazoviq shpëton, nuk shkarkohet nga pozita e zv-kryeministrit të Malit të Zi

news image

Në seancën e jashtëzakonshme, deputetët e Kuvendit të Malit të Zi nuk e kanë përkrahur rendin e ditës në kuadër të së cilës do të shqyrtohej shkarkimi i zëvendëskryeministrit të Malit të Zi, Dritan Abazoviq.

Nga 76 deputetë, 46 abstenuan, 19 pro dhe 11 kundër. Kryesuesi deklaroi se rendi i propozuar nuk mori shumicën e kërkuar dhe përmbylli seancën e parë të jashtëzakonshme.

Nesër pritet seanca e dytë, në të cilën do të diskutohet për nismën e lëvizjes URA të Abazoviqit dhe një pjese të deputetëve të opozitës për mosbesimin e Qeverisë.

Në rendin e ditës janë dy pika – iniciativa e kryeministrit Zdravko Krivokapiq për shkarkimin e zëvendëskryeministrit Abazoviq dhe propozimi për zgjedhjen e ministrit të Financave dhe Mirëqenies Sociale Milojko Spajiq për atë pozitë.

Propozimin për shkarkimin e Abazoviqit e ka bërë kryeministri Krivokapiq pasi URA, me mbështetjen e deputetëve të opozitës, ka dorëzuar iniciativën e mosbesimit në Qeveri.

/GazetaSinjali/


Shpërndaje artikullin