Deputeti i Lidhjes Demokratike të Kosovës, Armend Zemaj ka reaguar pas publikimit të përgjimeve ku shefja e Grupit Parlamentar të VV-së Mimoza Kusari-Lila, dëgjohet duke koordinuar politika me nënkryetarin e Listës Serbe, Igor Simiq.
Ai në postimin në llogarinë e tij në Facebook, pyeti deputeten Kusari-Lila se “a iu zunën a?”, teksa shtoi ” se për me fol keni fol gjithë!”.
Kujtojmë se Kusari -Lila në një prononcim për Ekonomia Online ka mohuar se ka pasur kontakt me dikë tjetër nga kjo Listë, përveç me Igor Simiq, që ka qenë shef i Grupit Parlamentar të Listës Serbe dhe Slavko Simiqin.
Ajo thotë se me këta zyrtarë ka folur për punën në Kuvend, specifikisht për tri projektligje.
