Një mjek nga Britania e Madhe Hilary Jones, ka vendosur t’i përgjigjet disa nga pyetjeve që njerëzit bëjnë gjatë pandemisë së koronavirusit dhe tregon si të mbroni veten dhe personat tuaj të dashur.

Ky artikull është marrë nga “The Sun”.

Kam dëgjuar se uthulla mund të ndihmojë të na mbrojë nga virusi. Është e vërtetë?

Unë jam dakord që uthulla është zakonisht një produkt i mirë për pastrimin e përgjithshëm, por nuk është i efektshëm kundër këtij virusi.

Detergjenti është gjëja kryesore që mund të heqë virusin dhe kur kombinohet me ujë të nxehtë është edhe më mirë.

Sanizatori i duarve, që përmban alkool 60 përqind ose më shumë, gjithashtu funksionon.

Unë përdor doreza kirurgjikale dhe i ndryshoj ato sa herë që prek diçka që mund të jetë e kontaminuar. Por së shpejti do të mbarojnë. Po nëse i laj me ujë dhe sapun ndërkohë që i kam të vendosura dorezat a mund të pastrohen mirë?

Unë nuk jam mikrobiolog, por logjikisht dorezat do pastrohen nëse lahen me sapun dhe ujë të nxehtë. Vetëm bëni kujdes që larja e shpeshtë të mos ndikojë në integritetin fizik të dorezave, dhe duhet të siguroheni që kur t’i heqni ato mos prekni pjesën e jashtme. /Gazeta Sinjali/