image A do t’i vizitojë krerët e UÇK-së në Hagë? Haradinaj: S’kam qejf mu dok anej, m’ka dalë boll

Politikë

A do t’i vizitojë krerët e UÇK-së në Hagë? Haradinaj: S’kam qejf mu dok anej, m’ka dalë boll

news image

Kryetari i AAK-së, Ramush Haradinaj, ka vlerësuar lartë vizitën e kryeministrit të Shqipërisë, Edi Rama, në Hagë tek krerët e UÇK-së të cilët po akuzohen nga Gjykata Speciale.

Haradinaj thotë se ai është gjest fisnik, teksa ka thënë se për vete nuk e ka plan të shkojë në Hagë dhe se shpreson që krerët e UÇK-së të vijnë sa më shpejt në Kosovë të lirë.

“Më pëlqeu vizita e kryeminsitrit të Shqipërisë ishte gjest i mirë. Shumë gjest i mirë. Hiç nuk kam bërë plane për të dalur andej. Nuk kam qejf mu dok andej hiç. Më ka dalur boll”, tha ai.

“I uroj atyre të vijnë sa më shpejt”, shtoi Haradinaj në emisionin Pressing në T7.

Ai tutje tha se Rama nuk e pati të lehtë të kryejë vizitën në Hagë.

“Nuk e ka të lehtë as ai. Kryeministër i një shteti ligjor, anëtar i NATO-s. Ishte gjest fisnik. Por tek e fundit një shqiptar shkoi në vizitë tek disa shqiptarë”, përfundoi ai.

/GazetaSinjali/