Ministrja në detyrë e Arsimit, Shkencës, Teknologjisë e Inovacionit, Hykmete Bajrami ka paralajmëruar që testi i maturës mund të mbahet në muajin qershor.

Bajrami më tutje ka theksuar se nëse testi mbahet, do të respektohen masat e duhura.

“Ne ende nuk kemi marr vendim dhe si Ministri e Arsimit nëse testi i maturës do të mbahet ose jo. Ju keni parë tani që rekomandimet e Institutit Kombëtar të Shëndetit Publik dhe të ministrisë së Shëndetësisë që gjendja dhe masat do të shkojnë duke u liruar dhe ka shumë gjasa që testi të mbahet në muajin qershor koonform vlerësimit të situatës me Covid-19”, tha ajo.

“Në qoftë se kemi përmirësim të gjendjes padyshim që testi do të mbahet, por mund të ndodh që të kemi një përkeqësim andaj ne po përgatitemi për skenar tjetër”, ka thënë Bajrami për EO.

Ajo ka thënë se janë duke shikuar mundësitë edhe për mënyrën logjistike të organizimit të maturës.

“Tani ne kemi komisionin tjetër shtetëror të maturës në kuadër të MAShTI, i cili do takohet dhe do të diskutojë për të dy skenarë dhe do të shohim se kur mund ta vendosim një datë tentative”, tha Bajrami.

“Gjithashtu të përgatitemi për mënyrën dhe logjistikën e organizimit të komplet testit të maturës. Derisa nuk ka një vendim për anulim nxënësit duhet ta marrin që testi mbahet”, tha ajo.

Ministrja më tej ka sqaruar se vendimi do të vlejë edhe për testin e arritshmërisë.

“E njëjta vlen edhe për testin e arritshmërisë e cila është koonform vlerësimit të situatës epidimiologjike”.

MASHTI që nga data 23 mars ka filluar të mbahet mësimi online me qëllim të parandalimit të koronavirusit./Gazeta Sinjali/