Gjendja e rënduar me pandeminë COVID-19 rrezikon shtyrjen e zgjedhjeve lokale në vend, nëse ritmi i vdekjeve dhe rasteve të reja vazhdon të mbetet i tillë, raporton Gazeta Sinjali.

Mirëpo, sipas ministrit të Shëndetësisë, Arben Vitia, një vendim i tillë do të merret vetëm nëse rekomandohet nga ekspertët shëndetësorë.

“Natyrisht mendimi i ekspertëve do të jetë ai mendim dhe vendimin do ta marrin në bazë të tyre”, u përgjigj Vitia para gazetarëve.

Zgjedhjet lokale në vend pritet të mbahen më 17 tetor dhe në këto zgjedhje, Vitia garon për të parin e Prishtinës./Gazeta Sinjali/