Rreth dy muaj më parë në mediat shqiptare bëri bujë të madhe lajmi për rikthimin e “Stupcave”.
Megjithatë, ky lajm u demantua menjëherë nga aktori Osman Azemi, i cili theksoi se kjo gjë nuk është e vërtetë dhe se ata do të qëndrojnë në arkivë dhe në kujtesën e çdo familje shqiptare.
E më tej u zbulua një konflikt që artistët patën ndërmjet vete, duke shtuar se kishte dyshime për keqpërdorime financiare në kompaninë “Stupcat Group”.
Sidoqoftë, Prive së fundmi raportoi se Mensur Safqiu dhe Vedat Bajrami do të rikthehen me skeçe për Vitin e Ri.
“Vedati dhe Mensuri janë duke punuar në skeçet e reja. Ata nuk do të jenë vetëm por edhe me disa aktorë që edhe në të kaluarën kanë pasur role në projektet e Stupcave”, thuhet në një material të emisionit Prive.
Ata nuk kanë vendosur se në cilin televizion do të transmetojnë humorin e tyre.
Se çfarë kanë përgatitur dyshja e famshme pritet të shihet në vijim.
