Ministri i Shëndetësisë, Armend Zemaj ka njoftuar se, pavarësisht rënies së numrit të të infektuarve me koronavirus, nuk do të ketë lehtësim të masave, shkruan Gazeta Sinjali.

“Edhe ketë javë të vazhdojmë me masat e njëjta. Duhet ta shtojmë kujdesin, ta rrisim vigjilencën’, shtoi ai.

Tutje, Zemaj nuk e mohon mundësinë që në javët në vijim të ketë shtrëngim të masave për shkak të festave.

“Mund të kemi qasje, nëse e shohim që rreziku i rritjes së infeksionit rritet. Nuk është vit normal ku ne shkojmë , festojmë e grumbullohemi. Thirrja jonë është që të festohet në shtëpi. Grumbullimi nuk duhet të jetë temë dhe agjendë e asnjërit prej nesh”, shtoi Zemaj për RTV21. /Gazeta Sinjali/