Gjatë 24 orëve të fundit, prokuroritë themelore në Kosovë kanë ngritur 74 aktakuza kundër 79 personave, për vepra të ndryshme penale, shkruan Gazeta Sinjali.

Kështu njofton Prokurori i Shtetit, me urdhër të të cilit janë ndalur 8 persona të dyshuar dhe janë paraqitur 5 kërkesa për caktimin e masës së paraburgimit për 5 persona të dyshuar.

Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar 1 person të dyshuar, si dhe ka ngritur 6 aktakuza kundër 6 personave, për vepra të ndryshme penale.

Prokuroria Themelore në Prizren, gjatë 24 orëve të fundit, ka ndaluar 1 person të dyshuar, ka bërë 1 kërkesë për caktimin e masës së paraburgimit për 1 person, si dhe ka ngritur 10 aktakuza kundër 12 personave, të dyshuar për kryerjen e veprave të ndryshme penale të përcaktuara në Kodin Penal të Republikës së Kosovës (KPRK).

Prokuroria Themelore në Pejë, gjatë 24 orëve të fundit, ka ndaluar 3 persona të dyshuar.

Prokuroria Themelore në Gjilan, ka paraqitur 1 kërkesë për caktimin e masës së paraburgimit, ndaj një 1 personi të dyshuar dhe ka ngritur 36 aktakuza kundër 36 personave.

Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar 2 persona të dyshuar, ka paraqitur 1 kërkesë për caktimin e masës së paraburgimit ndaj 1 personi dhe ka ngritur 7 aktakuza kundër 7 personave për vepra të ndryshme penale.

Prokuroria Themelore në Mitrovicë, gjatë 24 orëve të fundit ka bërë 2 kërkesa për caktimin e paraburgimit të 2 personave të pandehur. Po ashtu, kjo prokurori ka ngritur 13 aktakuza kundër 16 personave, për vepra të ndryshme penale.

Prokuroria Themelore në Ferizaj, gjatë 24 orëve të fundit, ka ndaluar 1 person të dyshuar dhe ka ngritur 2 aktakuza kundër 2 personave për vepra të ndryshme penale./Gazeta Sinjali/