Burime të Gazetës Sinjali brenda Klinikës së Pediatrisë në QKUK kanë bërë të ditur se sonte është pranuar për trajtim një fëmijë rreth moshës 6-vjeçare, i cili dyshohet se ka konsumuar një substancë ende të paidentifikuar.
Ngjarja ka ndodhur në lagjen Dragodan, afër ndërtesës së Komunës së Prishtinës. Fëmija është dërguar në Klinikën e Pediatrisë, ku po merr trajtimin e nevojshëm mjekësor.
Sipas të njëjtave burime, gjendja shëndetësore e fëmijës është aktualisht nën mbikëqyrje, ndërsa ekipet mjekësore po bëjnë përpjekje për të përcaktuar natyrën e substancës së konsumuar dhe pasojat e saj potenciale.
Lidhur me këtë rast, është njoftuar edhe Policia, të cilët pritet të ndërmarrin veprimet hetimore për të sqaruar rrethanat e incidentit.
Gazeta Sinjali do t’ju mbajë të informuar për zhvillimet e mëtejme.
Sinjali – aty ku e vërteta flet para lajmit!